|
Fe
|
A súa vida
Naceu en Vilar de Mouros, no concello de Meira (Lugo) en 1936 e continúa vivindo alí. Non tocou ningún instrumento, pero tiña fama de boa cantadora. Agora non lle gusta cantar en público, aínda que, tal e como indican ela e a súa familia, antes cantaba todo o día polas leiras.
O seu xeito de tocar e cantar
Trátase dunha grande improvisadora de melodías. Semella que lembra algunhas letras ás que ela lles engade o son.
Rexistros audiovisuais
□ Coplas
□ Cantar de Sega
|
Ficha técnica da gravación
|
Quen a nomea?
Por que?
Quero nomear esta pandeireteira, que ademais é a miña avoa, porque representa a moitas desas mulleres cuxos repertorios son moi pequenos e baseados na improvisación de melodías. Son grandes descoñecidas, xa que os seus cantos non facilitan montaxes para grupos de pandeireteiras. Porén, eran —e son— mulleres cun enorme talento, ás que, nalgún momento, a sociedade lles fixo crer que non debían seguir cantando en público.