|
María
|
A súa vida
Naceu en Bargo, A Peregrina (Santiago de Compostela) no ano 1927. Aprendeu a tocar, cantar e bailar nas foliadas e nos bailes de pandeireta na aldea de Bargo, onde viviu toda a vida e se dedicou á labranza. Cómpre lembrar que a música non estaba reducida á foliada, senón que acompañaba o día a día da xente: cando ían ao muíño, cando viñan cos feixes da herba, ao sachar, ao ir coas vacas…
O seu xeito de tocar e cantar
A señora María é un grande exemplo do xeito de tocar a pandeireta no rural norte do concello de Compostela e parroquias limítrofes: muiñeira riscada (a man cambiada), pateado, dansa e pasodobre eran os toques máis comúns. Ten unha voz suave, pero que sabe adonairar con moito gusto.
Lembra multitude de cantigas de temática variada e tamén diversidade de tons, tanto de ritmos bailables (muiñeira, pateado, dansa, pasodobre) como cantares "de andar o camiño", de Nadal, de Reis, de arrieiro, regueifas… Como a maioría das informantes, conta que case todo o repertorio foi aprendido "aos de antes", ás xeracións precedentes.
Lembra multitude de cantigas de temática variada e tamén diversidade de tons, tanto de ritmos bailables (muiñeira, pateado, dansa, pasodobre) como cantares "de andar o camiño", de Nadal, de Reis, de arrieiro, regueifas… Como a maioría das informantes, conta que case todo o repertorio foi aprendido "aos de antes", ás xeracións precedentes.
Rexistros audiovisuais |
Ficha técnica da gravación
|
Quen a nomea?
Por que?
As primeiras recollidas que realicei foron ás miñas veciñas, mulleres fortes e sabias do rural, que marcaron a miña vida de xeito decisivo. Grazas a elas, son quen son a día de hoxe.