|
María
|
A súa vida
Naceu en 1931 en Serantes de Abaixo, San Breixo de Oza, concello de Carballo. Aprendeu a tocar na súa casa. Era dunha familia de xente moi cantadora e bailadora.
O seu xeito de tocar e cantar
Toca o maneo coa pandeireta volta, coma en toda a zona. Toca tamén a muiñeira, o agarrado, a muiñeira corrida e a rumba.
Ten coplas preciosas, que eu de certo non oín en lado ningún. Conta historias de coplas que montaban ela e as súas compañeiras cando traballaban na mina. Tamén ten unha chea de coplas referidas á nosa parroquia que falan de sitios particulares, da taberna onde se facían as foliadas… Ten moitos tons distintos para cada ritmo e ten moita capacidade de improvisación melódica cando se pon a tocar (colle unha melodía de base e vai introducindo matices ou cambios de melodía nalgúns versos da copla). É a persoa coa máis repertorio, tanto en melodías como en coplas, que coñezo.
Ten coplas preciosas, que eu de certo non oín en lado ningún. Conta historias de coplas que montaban ela e as súas compañeiras cando traballaban na mina. Tamén ten unha chea de coplas referidas á nosa parroquia que falan de sitios particulares, da taberna onde se facían as foliadas… Ten moitos tons distintos para cada ritmo e ten moita capacidade de improvisación melódica cando se pon a tocar (colle unha melodía de base e vai introducindo matices ou cambios de melodía nalgúns versos da copla). É a persoa coa máis repertorio, tanto en melodías como en coplas, que coñezo.
Rexistros audiovisuais |
Ficha técnica da gravación
|
Quen a nomea?
Ramón Varela Rodríguez
[email protected]
[email protected]
Por que?
É a miña primeira e a miña gran mestra: é a miña veciña da beira da porta, a madriña dos meus amigos da infancia. Crieime con ela: xogamos á brisca, facía unhas chulas de pan e unhas filloas de vicio, ata ben velliña nos esperaba aos antroideiros para botar a súa peza… Ela foi o meu primeiro contacto con alguén que me ensinou a tradición da nosa parroquia. Ademais de gravala, pasei moitas horas con ela aprendendo e penso que sen ela non tería sido o mesmo. É unha persoa que sempre lle gardou moito amor a todo isto e foi capaz de transmitírnolo ás persoas a quen nolo ensinou.