|
María
|
A súa vida
Naceu en Langueirón, parroquia de Meanos (Zas), no ano 1934. Vive en Pedra Padreiro, concello de Zas, onde casou con José; están pretiño do Couto (Muíño) e xúntanse coas veciñas deste lugar a cantar e tocar a pandeireta, divertirse…; fan comidas e van de viaxe e excursión xuntas.
O seu xeito de tocar e cantar
O seu repertorio musical é extenso e responde aos patróns da área xeográfica onde se desenvolve, na comarca de Terra de Soneira, moi preto da do Xallas, coa que hai similitudes. Para o baile toca a riscada (punteada), a muiñeira (vella), a xota, a danza, a rumba, o pasodobre e o valse, nesta orde, reproducindo estruturas en que sempre van primeiro os soltos (riscada, muiñeira e xota) e despois, os agarrados. No xeito de tocar utiliza os recursos do riscado, o empuñado (muiñeira) e os toques a man aberta para o resto dos bailes. Coñece e reproduce tamén alalás, romances, cantos variados…
Ten un repertorio extenso de “cantas” (así se chaman as cantigas na zona), con temáticas comúns: amor e desamor, viaxes, emigración, animais, lugares, desafíos con outras cantareiras ou cos homes…
Ten un repertorio extenso de “cantas” (así se chaman as cantigas na zona), con temáticas comúns: amor e desamor, viaxes, emigración, animais, lugares, desafíos con outras cantareiras ou cos homes…
Rexistros audiovisuais |
Ficha técnica da gravación 1
Ficha técnica da gravación 2
Ficha técnica da gravación 3
|
Quen a nomea?
Por que?
Nomeámola para poñer en valor o repertorio da súa zona e o de María en particular, que aprendeu por transmisión xeracional directa. Ademais, hai que destacar a boa acollida que sempre houbo na súa casa.
Desde que tivemos a fortuna de a coñecer, sempre nos tivo as portas abertas e toda a xenerosidade disposta para nos aprender, tamén festexando a canda nós tantísimos anos nos Encontros de Música Tradicional de Carboeiro.
Desde que tivemos a fortuna de a coñecer, sempre nos tivo as portas abertas e toda a xenerosidade disposta para nos aprender, tamén festexando a canda nós tantísimos anos nos Encontros de Música Tradicional de Carboeiro.